電單車亂闖越野單車徑
越野電單車唔係條條路都去得㗎！就算叫做「越野車」，但根據郊野公園條例，郊野公園內只限單車在指定之單車徑活動，電單車進入山徑活動均屬違法㗎！
話說早前網上流傳片段見到有越野電單車闖入大帽山田夫仔北越野單車徑，片段所見嘅電單車更逆線行走，差啲撞到落緊山嘅越野單車！漁護署一般會在越野單車徑入口設置指示牌，指定行車方向，雖然部份越野單車徑是可雙向行走，但涉事的田夫仔北越野單車徑則有路段是單向；此外，越野單車往落山方向通常都是高速落斜，逆走單向路上山真的非常危險，亦會令山路有極大損耗，行為非常不負責任。大家記得留意路徑指示，注意安全！
現時全港共有十六條越野單車徑，並分為三個難度級別：綠路徑、藍路徑、黑鑽石路徑，田夫仔北越野單車徑便屬於並由漁護署管轄，因屬於郊野公園範圍而受到郊野公園條例所規管。包括：
清水灣郊野公園
- 釣魚翁越野單車徑 (星期日及公眾假期不開放)
南大嶼郊野公園
- 芝麻灣越野單車徑
- 梅窩至貝澳越野單車徑
- 貝澳至狗嶺涌
西貢西郊野公園及西貢西郊野公園 (灣仔擴建部份)
- 海下至灣仔越野單車徑
石澳郊野公園
- 龍脊越野單車徑 (星期日及公眾假期不開放)
- 大欖郊野公園
- 河背越野單車徑
- 小欖越野單車徑
- 大欖涌水塘越野單車徑
- 大棠越野單車徑
- 田夫仔越野單車徑
- 田夫仔北越野單車徑
- 清快塘越野單車徑
- 青龍頭越野單車徑
- 荃錦越野單車徑
詳細路徑資料可參考漁護署網站。
