最後一粒Bullet

阿靚：「 嚟緊有咩諗法同埋目標呀？」

我：「想趁65歲前跑番個100公里山賽，做個理想時間！」

阿靚 ：「 你之前唔係話想跑番個BQ，跑多一次波士頓拉松嘅咩？點解又忽然間轉呔呀？」

我：「 呢兩年無晒全馬比賽，根本就無機會攞到BQ時間參賽。」

我：「 已經60幾歲，體能飛咁快咁衰退，再遲啲消化系統同埋精神，都唔知頂唔頂到成百k嘅比賽，依家唔做，可能以後都無機會做㗎喇！」

阿靚：「你咁嘅分析又好似幾啱！」

我：「 我只剩番最後一粒子彈咋，唔可以貪心，一樣還一樣，搞掂咗啲山賽先，波士頓馬拉松，撥入下一輪目標啦！」

阿靚：「你前幾年跑B仔嗰陣時，都話自己得番最後一粒子彈，而家又話最後一粒子彈，你都有好多’最後的子彈’ 喎！」

我：「哈哈…我有咁講過咩？」

「最後一粒子彈 」，這個自我催眠的想法，有只許成功不許失敗的暗示，加強毅力和決心，我記得以前跑全馬的初期，當我想放棄時，我會想像：「 這是我最後一個馬拉松！」也許以後再沒有機會跑第二個，我便會無論如何，就算用爬行的方式，都要爬到終點去！

「最後的X X」 其實好好用，當你「鋸扒」 的時候，如果你想像成這是你人生最後的一塊牛扒，相信你應該會很認真的去品嚐，珍惜每一口的牛扒，慢慢咀嚼去感受它的肉味，無需傷感，亦不會傷感，因為你知道，明天會有另一塊 「最後的牛扒 」。把事情想像成背水一戰，無得「Take Two」，是應付艱苦訓練和比賽，是不錯的心理策略。

時間唔等人，現在我真的只剩下「最後一粒子彈」了，我要專心好好的備戰我的目標賽事。



原文刊於《運動版圖》2021年10月號