蓮姐 《大帽山茶水亭》告別廿五載舊址，暫定4月於新址續為大家服務 講到大帽山，山友及踩車友必定認識我地的強大支援 - 大帽山蓮姐。 由年頭開始，蓮姐已經為租約招標一事煩惱，經歷廿五載寒暑，經歷過N屆毅行者。山友已習慣行完麥理浩徑第八段要去蓮姐大本營休息一下，飲枝冰凍嘅可樂，食串熱辣辣嘅燒賣，同蓮姐閒聊幾句，蓮姐就如同行山友嘅家人一樣，「大帽山蓮姐」已經係山徑路段其中一個地標。
