生涯第一次帽子戲法兼反勝後感｜鈞動敢言 上一場足總盃八強嘅賽果引起好多話題，亦都令朋友不停咁問我當日嘅感受係點。其實總括嚟講我都係咁樣答，比賽就係比賽，等於普通人返工，每一場波都要搏盡，都要做好自己本分。足球可能有少少唔同，去到比賽某啲階段可能要俾埋條命出去。球場英雄地，勝負可以代表好多嘢。我哋嘅生涯成功與失敗，有時係以我哋嘅榮譽同成就界定。
