手球聯賽男甲兩強對決 南華力壓EVOSA衛冕冠軍 香港男子手球甲一聯賽今日喺石硤尾公園體育館上演咗一場精采嘅強強對決，下半場經過一番緊張嘅拉鋸之後，由南華以13:10獲得今屆冠軍。 男子甲一組EVOSA、南華繼上年手總盃四強後，相隔九個月喺今屆手球聯賽再度碰頭。經過十一輪賽事後，南華及EVOSA分別以常勝姿態喺聯賽積分榜並列榜首，所以哩場「打吡」真係令人期待已久，早前預定九月一日開戰，因颱風延至今日舉行，好彩各球員狀態都保持得幾好，士氣高昂！
