#20IMPACT20 航海學習旅程Leg 2 第二航程終於順利出發！這篇日記面世的時候一眾堅毅者們將剛剛完成環台灣航海挑戰的旅程，完成後將回高雄再啟航回港；在等待他們好消息的同時，讓我們看看Leg 2的青年們在旅程開始時的一些感受吧！
「the old man and the sea」- Fan (Leg 2)
終於正式出航！我們全船每一個人都非常興奮，甚至早上五點就已經上船做好所有出航準備。我們先把Yankee帆布預備好，然後待到八時半左右。耀眼的陽光把清澈的海水曬得碧綠，而海水亦把陽光折射打在我們的臉上，但仍然令人感到寒冷。
Rico, Thomas, Joseph和我 （Fan）同被編在第一個值更，深諳漁船和漁網所帶來的威脅，我們打醒十二分精神，時刻留意着周圍情況，所幸除了首十分鐘已經發現三個白色箱連成一線的漁網外未有經歷太大困難！
我們在下午四時再次當值，海水已經慢慢染成深藍，海風和海浪都逐漸變大。我們一邊聽着音樂，一邊謹守自己的崗位，同時享受着無與倫比美麗的海景和宜人的海風吹拂。這是我人生首次身處於海的正中心，身邊沒有島、沒有船、沒有動物。日落落於身後，把後邊整片天空都染成漸層的橙和粉紅，而面前的天空則是浪漫的、不現實的粉紫色。
此情此景令我想起海明威的「the old man and the sea」，儘管人類在面對大自然時是多麼的渺小，但我們仍有勇氣和堅毅挑戰。
天天清早最歡喜 - Rico (Leg 2)
大家好！我係Rico。每一個值班時間我地都會係歌聲中渡過。今日天氣晴朗，微風大概18-25 knots。經過左連串既捕魚區，一直一直逆風駛向台灣。
但係船艙嘅情況令我相當之難瞓得着，倉入邊嘅溫度好高，空氣亦都唔太流通。要入睡都係有相當高嘅難度。每次瞓醒都會成身汗，而且逆風嘅情況下，船身傾側差唔多有20度。每晚我嘅背脊都係不停撞落船上面。
雖然辛苦，但我仍然好興奮，同埋好享受呢個旅程。夜晚抬頭望向天，全個天都係星星，星星絕對多到難以想像。喺夜晚當值嘅時候，人生第一次見到流星。距離去到台灣仲有一半嘅路程，期望一直都會有順利嘅航行。
星與海 - Tom (Leg 2)
而家已經係下晝，風速亦都好似我哋預期咁慢慢加強，跟隨嘅浪亦都變得更加大。我哋需要更加大嘅努力先可以完成我哋喺船上上面嘅工作，尤其是係Mother Watch。
係中午嘅時候，我哋隻船駛到去一個捕魚區。航海圖上面有超過100個漁網，啲漁網喺航海圖上面多到好似芝麻一樣。我哋需要好小心地避開呢啲漁網去搵到一個最佳嘅路線。
想分享一樣好開心嘅事：就係我哋終於航行到去一個周圍無陸地嘅一個海域。萬里無雲嘅天空，同埋滿天嘅星星再加流星。
感覺夢想已經達成咗。
Leg 2旅程已經過了接近一半，似乎一眾堅毅者們在挑戰重重難關之餘都非常享受，下一篇日記將會與分享Leg 2 環台灣航海挑戰的所見所聞，讓我們一起期待之中的故事！Sportsoho 和 香港外展訓練學校 - Outward Bound Hong Kong堅毅者日記將會全程緊貼旅程，提供報導，切勿錯過。
