黃卓寧 x 葉鴻輝:給跑手的馬拉松備戰心法

黃卓寧 x 葉鴻輝
給跑手的馬拉松備戰心法

下星期日就係睽違已久嘅香港馬拉松盛事——渣打馬拉松,相信各位跑友都已經摩拳擦掌,期待喺當日驗收備戰多時嘅成果!無論係新手、資深跑手、以跑步作輔助訓練嘅跑友,都喺跑步當中穫得唔同嘅啟發,哩個亦都係跑步之所以成為全民運動嘅原因,而無論係香港長跑運動員黃卓寧定係足球運動員葉鴻輝,喺跑步訓練當中都有所得著,今次就喺Nike Running Club(NRC)跑步訓練班同大家分享下佢哋點樣挑戰自我,突破訓練困境!

黃卓寧的備戰心法:正向態度
黃卓寧由2021年初次跑全馬後,就決心在馬拉松路上精進自己的能力,而這更源於她經歷2019年數場比賽成績都不如意,當初的挫折令她痛定思痛:「那年我剛取得10000M及半馬香港女子青年紀錄,所以之後嘅比賽都好緊張想再跑好啲,再加上我嘅個性本來就比較自律、對自己要求好高,希望把握機會推進Junior Record,所以期望太高,放鬆唔到,反而發揮得唔好。」慶幸當時她遇上適合的教練,能幫助她調節心態,以更積極正面的態度去專注在當前的訓練上:「糾纏喺失落嘅情緒中係唔會令成績變好,所以我提醒自己跑步嘅初心,就係要享受跑步!」

重整步伐,令她更積極找到改善方法,走上運動員之路:「教練嘅角色好重要,希望我今次喺訓練班嘅分享都幫到大家,如果你哋對自己嘅訓練表現唔滿意,都唔使心急,慢慢思考自己需要改善嘅地方,再調整訓練計劃,就可以為比賽做好準備!」她認為安定情緒很重要,建議跑友以正面的心態面對挑戰,更能發揮出平日訓練的成果。

葉鴻輝的訓練心得:預視挑戰
作為港隊鋼門,葉鴻輝認為堅守崗位絕不簡單——在方寸之地,要時刻保持專注、緊繃精神去應付難以估計的攻堅方向,因此無論訓練或比賽他都100%投入,讓精神狀態更習慣長時間專注:「跑步係我訓練專注嘅方法,因為要經常捱過訓練嘅沉悶同疲倦,同足球訓練都有啲似——最有挑戰唔係面對強頑嘅對手,而係要戰勝想偷懶同放棄嘅自己!」

專注可以令他更心無旁騖地應付長時間的高強度賽事,他在跑步訓練中亦有相同心得:「假若亂咗配速,都唔可能沉浸喺一時嘅失誤中,因為咁只會導致更多失誤!只要未到完場就唔放棄,一定跑到去終點,足球比賽都係咁——就算失球都要馬上收拾心情準備接好下一球!」在NRC訓練班中他亦希望能將自己的經驗分享給參加的跑手,助他們備戰渣馬:「做足準備,已能令自己嘅心情無咁緊張、更易專注喺比賽上。除咗要有充足練習,大家都可以喺賽前預想下各種有機會遇到嘅情況,例如補給時機、節奏亂咗時點樣調節返,預先諗定後備計劃等。有多啲心理準備就可以淡定啲,另外不妨當比賽係一次練習,總之每次練習都係要100%投入,唔好諗比賽有幾特別就唔會緊張!」

兩人不約而同,都認為調整情緒和心態好重要。大家嘅馬拉松備戰計劃無論準備成點,剩返一個星期,記得準備好享受賽事嘅心情呀!仲有就係不妨檢查下你嘅裝備狀態,比賽日就可以整裝待發!>>> 即上 Nike.com 了解更多跑步資訊!