龍蝦灣脊線｜天天爬坡

龍蝦灣一帶位於清水灣半島，與釣魚翁山相對，沿途串連大坳門、大坑墩、餓死雞及大嶺峒等多個山嶺地段，地勢起伏富變化。當中大坑墩、餓死雞及大嶺峒海拔分別約為104米、267米及291米，為區內較具代表性的高點之一，登頂後視野開揚，可俯瞰牛尾海大小島嶼及綠蛋島一帶海岸。沿線山徑多穿梭於林蔭與開揚山脊之間。整體路線距離適中，兼具自然景觀與挑戰性，是一條景色與趣味兼備的行山路線。

行程和TIPS：

行程由大坳門起步，沿馬路步行至大坑墩，隨後接上龍蝦灣郊遊徑，初段為平緩林蔭路段，路況清晰易行。標距柱的編號是「C3201」。跟住轉右落山，前往餓死雞，該處有一座高度僅0.37米的極矮標高柱， 其後返回龍蝦灣郊遊徑續走山脊前往大嶺峒，途中可回望清水灣及東面海岸線，景觀開揚。登上大嶺峒後可作短暫休息，欣賞四周遼闊海景及山勢。其後沿另一邊山徑下降，接回龍蝦灣路離開。整段路線路徑大致清晰，但部分山徑分岔較多，建議預先規劃路線或使用GPS導航。全程曝曬位較多，建議補充足夠水分並做好防曬準備。

路線：大坳門►大坑墩►龍蝦灣郊遊徑►餓死雞►大嶺峒►龍蝦灣路
路程：7.2公里
時間：3.5小時
爬坡指數：2/5
拍攝指數：3/5

資訊

起點位於大坳門
巴士 91 鑽石山港鐵站 - 清水灣 大坳門下車
小巴 103 觀塘碼頭 - 清水灣二灘 大坳門下車
小巴 103M 將軍澳站 - 清水灣 大坳門下車
小巴 16 寶琳港鐵站 - 布袋澳 大坳門下車

終點位於龍蝦灣路
公共交通位於大坳門同上
附近停車場：大坳門咪錶泊車位

中途補給點
勝記士多小食店，大坳門茶水亭。

行山拍攝裝備
相機：A7R

注意事項
大坳門一帶假日人流較多，建議提早出發。夏季日照強烈，需做好防曬及補水。部分山徑較為隱蔽及分岔較多，建議配合地圖或GPS導航。

特色景點
• 大嶺峒 — 清水灣半島高點之一，360度開揚海景
• 龍蝦灣海岸 — 可俯瞰壯麗岩岸與清澈海水
• 餓死雞山脊 — 山勢起伏分明，具原始山野感

爬坡－汪汪UK：

有小朋友之後，真正明白「Kids + 🌳Nature = 成長」。帶佢哋行山，其實唔止係放電，而係見到佢哋一路玩、一路學，專注力同觀察力都慢慢建立起嚟。有時只係一條小路、一個湖，都已經可以玩好耐。

今次假期，我哋冇安排太多節目，就係簡單帶住佢哋行入大自然，一齊行、一齊停低睇風景。做爸爸嘅會發現，其實佢哋要嘅唔多，就係你陪佢一齊行。趁他們仍願意跟你去郊外，多留時間陪伴，這些回憶會很珍貴。

Mallard Pike 喺英國（Forest of Dean）入面，係一條圍住湖行嘅簡單步道，路好平坦，好適合帶小朋友。一路行有樹蔭、有湖景，環境好舒服，設施亦齊全，唔會有壓力。對我嚟講，呢種地方唔需要好刺激，是輕鬆親近自然的理想地點。

Text、Photo：DavidBoy
原文刊於《運動版圖》2026年6月號
更豐富內容請支持印刷版或電子版！