「頑張って」（奸爸爹） - 頑張跑會團長 謝覺偉（阿歹）

「由零起，總會到；獨自開始單腳跳，跳到終點的倒數⋯⋯」頑張既是一首歌，又是一個跑會，更是一種精神。「頑張跑會」由本地樂隊搖滾樂隊Kolor 的主音蘇浩才（Sammy）和曾出戰「世界山徑越野跑錦標賽」的謝覺偉（阿歹）共同創立，二人希望號召更多人參與頑張的Fun run，體驗跑步樂趣之餘，更能夠凝聚大家一起努力突破自己，「我哋嘅特色係唔逼人跑嘅，係enjoy，係開心為主，成件事係無壓力嘅」。

炎暑的每日，數千位自發修補

頑張跑會成立不到一年，由起初只有數位，到了現在有五、六十人左右在深水埗運動場進行團練，因着團長們的帶領，跑友們不自覺地自發進步，尋求突破。阿歹說：「大家一開始對跑步概念意欲唔大，但經過舊年十一月有十位團友完成咗紐約馬虛擬跑，就突然間激起咗大家嘅火，個個走哂去報渣馬！」也許Sammy和阿歹堅持以「Fun run」進步的原則，就很像阿歹所指的，連訓練也不覺得開心的話，是很難享受跑步的樂趣，人們便會自自然放棄其中。

「坦白講開頭搞跑會係有明星效應嘅，但無諗過真係追星嗰班愈跑愈快，仲要無人quit㖭。」阿歹說。 跑會起初都只是跑運動場，但鑑於想提升大家的樂趣，團長們便改為路跑，有時更會於訓練後搞活動，以增加訓練的趣味性，連繫大家，同時為了追星而來的團友由打卡變了跑起步來，「我哋都會定時定候搞吓啲跑步活動㗎，啱啱聖誕節我哋跑去西九睇聖誕樹、之前又沿青公跑入大欖燒嘢食咁，哩啲等等嘅活動都可能令到大家更enjoy跑步啦」，或許這正正就是「頑張」的理念，更是兩位團長想達到的目的—只要能感染到大家堅持和突破的精神，就會自自然跑得快⋯⋯

螺絲帽都拼命，連鎖推鐘擺，敲響方有聲

沒想過齊上齊落的力量會令阿歹自身變得強大，更一改他的性格。他在過去的訪問提及過自己以前是個孤僻的人，人際關係亦比較差；自一次的賽事與Sammy 邂逅，二人便一拍即合，經Sammy 多次鼓勵及陪伴下，猶如把阿歹從深淵拉出，慢慢地他不再抗拒與人相處，剎那間他便喜愛和接受了群體生活，個性也變得隨和，「大家喺哩度都好肯去溝通，除咗跑會更會分享大家嘅生活所想，不知不覺間我自己都放開咗自己，原來嗰種一班人嘅感覺係好好」。

眼見頑張跑會的突破和樂趣令跑友也不斷因着自己的進步而變得強大，就像看着初生嬰兒學走路般，這令阿歹甚是鼓舞，幾經掙扎下他於去年十一月創立了「無名跑會」，專注為想更突破和進步的跑友作重點訓練。阿歹笑說自己「有舖搞跑會嘅癮」，就是純粹喜歡團練的那種起勁的力量，「哩度嘅定位係chur為主，性質唔再係Fun run，而係真真正正嘅 training，所以哩個跑會畀人稱之為『往生號』，但同頑張跑無衝突呀，只係想提供多一個選擇畀大家吧。」

總有燈火，沒窮途

香港雖是個彈丸之地，坊間跑會林立競爭固然會很大，惟阿歹卻不以為然，大家享受才是最重要的。他說， 就正如有不同明星，各人是有不同喜好，跑會亦然，是毫無衝突的。至於收費和不收費的跑會各有千秋，比如頑張跑會是不收費的跑會，以樂趣為主；而無名跑會是收費的跑會，以更進一步為目標，加入跑會與否其實是很個人的選擇，不要因人云亦云而隨波逐流，最重要是不要逼自己做不喜歡的事吧。

跑步，是一門很獨立，很簡單操作的運動，那到底跑團有什麼意義呢？阿歹說：「人喺唔同嘅階段會有所變動，會隨意嘅，有時候會鍾意一班人，有時候會鍾意一個人，跑會可以話係一個緩衝帶，當係迷失時嘅一個出口吧。」

正如他一剎那的醒悟，原來團體力量是如此激勵人心，縱使跑步很獨立，但那種滋味在於一起跑的時候，那種互相扶持的火花。

頑張的一套我做到，頑張的拉布你做到

計劃往往趕不上變化，加上近幾年世界發生的事，叫大家透不過氣來。就算自身也好，頑張和無名跑會的前景也好，阿歹不敢想得太遠，一年間會出現的未知數令人頭痛，倒不如多照顧自己，好好記着那個初心，就是這樣簡單純粹，「兩個跑會都係keep返哩個模式，哩種特色，我哋唔會消失，有人就會有我哋喺度呀；至於嚟緊越野跑比賽，我都想努力埋哩一年，同時都探索仲有冇其他嘅可能性。」

頑張和無名跑會，就是那種堅守自己原則的跑會，團長們很希望大家在參與過程中會更加認識自己，無論你選擇跑與不跑，加入或不加入跑會，最重要是阿歹多番強調的：「享受真係好緊要，唔好逼自己做啲唔鍾意做嘅嘢！」

Text: Dorz
Photo: Stephen、受訪者提供
Design:Yvonne
原文刊於《運動版圖》2023年2月號《跑步特刊 》