《從奧運會回來》

從奧運會回來，可能是真切地感受到這個「新」議題的重要性。容許我也跟大家說說這個top topic: mental health。

前幾天跟李慧詩做直播，她毫不猶豫地問道：好多人話你唔似運動員，你點睇呢啲評語？

我愣了一下，回過神來說：「上一屆2016年奧運我以接力身份去，因為當時做持旗手而令人留意，之後我有機會去試去做運動以外嘅事，但我一直都知道運動員先係我最內心嗰個本質，所以呢幾年我反而係更加努力去訓練，喺新加坡達咗A標已經知道可以去奧運，我都set咗另一個更高嘅目標俾自己，希望可以再進一步突破，發現喺香港嘅訓練未必足夠，所以決定去澳洲搵多一個教練加強訓練，同一班世界級背泳選手一齊游。我知道係有證明自己嘅需要，因為支持運動員嘅大眾係欣賞你嘅努力同你嘅精神，所以我相信成績可以說話，呢樣亦一直係我嘅宗旨，我事實亦都係有用比上一屆更好嘅成績俾大家睇，而我亦都一定會繼續堅持呢個努力嘅我。」對於從社交平台中所感受到的壓力，彷彿還得在社交平台中釋放，說出來有疏通了內心少許。

我不是讀心理學的。

所以只能從個人出發，分享自身經驗。

運動員心理之強大，一直都被視為最被欣賞的地方。無論獲得獎牌與否，大家都更希望了解每一位運動員背後屬於自己的奮鬥故事。全職運動員需要每星期25小時的傳統訓練，但是心理訓練又有沒有被照顧？有沒有被重視？外在與內在的心理壓力又有多少人能夠理解？

在此感激你們每一位耐心閱讀都最後的。

你們就是運動員的後援會，願我們能繼續走下去，用時間和實力說明一切。

原文刊於《運動版圖》2021年9月號