聖誕新玩法！領取城市運動博覽免費入場門票！

世界盃剛剛落幕，運動狂熱唔好俾佢停！

聖誕節除咗適合同親朋好友相聚之外，仲係一個適合齊齊做運動嘅佳節！ 

城市運動博覽集觀賞與體驗於一身，可以一邊感受賽事氣氛同時玩盡多種新奇好玩嘅運動，無論你係貪玩嘅Sport Lovers，定係想同小朋友齊齊過返一個健康嘅假期，體驗一個不一樣嘅聖誕，以下豐富活動一定有樣啱你玩！睇到最後仲教你點樣拎到免費入場門票！

【3場大型賽事蓄勢待發 誓爭年終殊榮】

3場焦點賽事將於「城市運動博覽」同場舉行。包括由退役單車運動員兼一代車神黃金寶牽頭舉辦嘅《Jetblack電競單車錦標賽》，雲集多名來自精英公開組、工商挑戰組、學生組以及香港單車隊嘅健兒激戰連場。黃金寶將自己多年實體賽嘅經驗灌注於虛擬世界，重新定義新世代單車體驗，大家拭目以待！

除此之外，由前佩劍一哥林衍聰率領嘅《香港劍擊節 - 年度終極錦標賽》，將延續熾熱嘅劍擊風潮！ 除本地劍手外，錦標賽更邀得來自韓國釜山東義大學嘅選手來港參賽！個人賽以外更有本地少見嘅團體戰！想欣賞一班劍手嘅連場激戰，就記住入場喇！

隨住國際功能體適能聯會(iF3)正向奧運會邁進，香港肌力及運動表現協會將會舉行4場體適活動及香港功能體適能冠軍賽，透過比賽及活動選出選手代表香港參與喺2024年舉行嘅亞洲杯同世界杯！而首站《香港功能體適能錦標賽 - 城市戰》將會於「城市運動博覽」曯目登場！錦標賽雲集各體能好手互相較勁，你身邊嘅「體能王」隨時就係將來嘅港隊代表！

入場人士除咗可以近距離觀賞賽事、感受現場刺熱氣氛外，3個賽事亦設有公眾體驗區，入場人士一次過可以體驗成劍手、單車手及體能好手嘅滋味！

【15項運動體驗任你玩】

城市運動博覽設有「新興運動嘉年華」，包括軟式曲棍球、藤球、芬蘭木柱、國皇棋、躲避盤、閃避球及足球，多款新興運動等著你大顯身手！

平日喺海傍/社交媒體上見到好多滑板好手輕鬆又瀟灑咁踩板，你都蠢蠢欲動想學但又唔知點入手？嚟城市運動博覽就可以免費試玩！無論大人定小朋友，專業教練都會細心教導，一家人齊齊學踩板都無問題！

除咗唔同嘅運動項目外，入場人士仲可以試玩體感機械人，容易上手，無論大人小朋友都啱玩！

【運動與科技結合新體驗】

電競運動新一章！一般大眾可能對電子閃避球呢項運動較陌生，但呢項運動其實近年已走入校園，而且需要個人技巧及團體合作互相結合，隊友間嘅溝通及配合非常重要！有別於傳統閃避球，電子閃避球對運動能力要求相對較低，鍾意試新嘢嘅你千祈唔好錯過！

除咗可以體驗新穎嘅電子競技運動外，同場亦有Run Lap免費提供嘅專業跑姿分析測試，測試者可以透過系統提供嘅數據得知自己嘅跑步類型及跑姿數據；左右跑姿是否對稱及從身體力學搵出現有或者潛在嘅受傷風險。想check吓自己跑姿嘅跑手們一定要book mark定喇！ 

【免費健身工作坊】
 

城市運動博覽設有免費Dynamic Bar現代魔仗(Wand)及Kettlebell壺鈴工作坊，Sport Lovers一定唔可以錯過！

【免費來回穿梭巴士】

大會為入場人士提供免費來回穿梭巴士，分別於九龍塘、荃灣、屯門及東涌設有上車點，班次每20分鐘一班，免費載你同親朋好友齊齊去做運動！

【免費入場門票領取方法】

城市運動博覽咁多嘢玩，點先拎到優惠免費入場？只要喺呢個網站登記時輸入優惠碼【MERRYXMAS】，就可以使用限時免費優惠登記入場！

活動資訊
日期：25/12/2022(星期日)-27/12/2022(星期二)

開放時間：
12月25日（星期日） 10:00 – 19:00
12月26日（星期一） 10:00 – 19:00
12月27日（星期二） 10:00 – 18:00
 

地點：亞洲國際博覽館（五號展館）

交通安排：
免費來回穿梭巴士，每20分鐘1班
1. 九龍塘 九龍塘港鐵站(多福道D1出口) 
2. 荃灣 荃灣西樓角路 (綠楊坊行人天橋底)
3. 屯門 屯門V City過境巴士總站 (穿梭巴士站位置)
4. 東涌 (X1巴士線)東薈城巴士站

活動網站：https://citygamesexpo.sportsoho.com/zh-hant

登記入場門票： https://bit.ly/3WfklSR