作樂（ngok6）
解：（名）有節奏而和諧動人的聲音
發現音樂和運動異曲同工，情感帶來動力，兩者亦成為情緒的出口。
很多音樂人創作音樂的原意是想將自己喜愛的、鍾情的音樂旋律、歌詞分享給大眾。開始時或許能「一鼓作氣」創造一張專輯，但能繼續堅持下去，避免「再而衰，三而竭」便是靠著聽眾帶給創作者的滿足感、成就感，而RB的故事正因此開始。
當初組成RB時，他們最大的願望是製作一張唱片專輯，於是他們便帶著作品四處尋找唱片公司，最後簽進了金牌娛樂。「出完第一張唱片其實已經好滿足，往後其他事情嘅發生都係extra。」泥鯭憶述當時完成唱片後慶幸獲到賞識，RB 亦順利打響名堂，獲叱咤樂壇生力軍組合金獎，而保持感恩的心態亦為他們帶來了其他機會，「開始都有人認同我哋，慢慢發覺原來都可以做落去，一步一步咁試，搵到成就感、滿足感，咁樣先至維持到繼續落去。」
唱片、獎項是滿足來源？非也。泥鯭笑言最大滿足感來自於眼前的粉絲及支持者：「初時開show得好少人嚟睇咋，之後一、兩年慢慢多人買飛入場，識唱我哋嘅歌，呢嗰係難以言喻嘅滿足感；有人留意我哋嘅作品、欣賞甚至有所共鳴，之後再一齊合唱，就係嗰種滿足感。」
「創作音樂都係想分享，
有人認同就好滿足。」
RubberBand 泥鯭
曲詞RubberBand
繼續創作下去，便需要源源不斷的靈感，成員亦從各自的興趣出發。喜愛戶外活動的阿正時常在大自然取材。自出道起十四年內，九張專輯以及數之不盡他有參與曲詞編監的作品中，不難尋覓到「自然」元素，《阿波羅》、《發現號》便是俵俵者。而阿正說起寫歌時亦格外興奮，「我滑雪果時好多靈感，特別聽住歌去滑好relax，」他笑言道：「作歌要去雪山作先最正，每次都拎曬架生*去，點都要拎埋結他去寫歌！」。由大自然返回石屎森林，阿正指香港始終比較細，創作靈感會差點，但只要去多些不同地方增廣見聞，「 Open minded 」多些，也能在這裡找到靈感，「佢哋成日笑我想放假去旅行，但呢件事係有意義嘅。」
靈感除了在他國尋覓，亦不乏以本地為根。2019年社運及疫情令6號心酸香港變得死氣沉沉，但他想香港人在愁眉不展之時，仍能活在當下，尋找當刻的快樂，「早排同方皓玟合作嘅歌 《All We Have Is Now》，就係想講當下先係最緊要，」
「好多人都唔知而家仲有咩可以fight for ，但我想講嘅就係keep住做，」他補充說：「有趣嘅係做完《Ciao》之後都有兩個商業品牌搵我地做廣告歌，都係講去留。呢個大topic係避唔到嘅，但喺當中會同Patrick（雷柏熹）佢哋去搵啲細啲嘅嘢去講。」
*【架生】
音：gaa3 caang1，又讀「架撐」
解：即指工具。
//好好記住昨天在昨天就已跑掉
不相信命數和定數從沒需要
轉身抱緊當下 眼淚抹掉煩擾//
《All We Have Is Now》方皓玟
映射時代便是使命
時代交替，象徵著桃花依舊，人面全非；以歌曲紀錄時代面貌，便是泥鯭所認為的音樂人使命，「每句歌詞都係反映著嗰個時代，許冠傑嘅歌反映七、八十年代市民鍾意打麻將，間唔時會制水⋯⋯八、九十年代又反映著嗰時嘅生活。依家我哋都係本著同樣心態，想記錄返呢個時代做緊啲咩。」
阿正則認為廣東歌的價值在乎其深度及靈性，「我好鍾意80年代嘅歌，特別玉置浩二嘅歌，無論係旋律定係當時香港人填嘅歌詞都好正；呢個時代好多歌都係用科技做出嚟，例如電子音樂，好似少咗啲靈性，」但他亦笑言：「呢個係潮流嚟，可能我都out咗啦！」
而無論是80年代或是現在，泥鯭都深信廣東歌的魔力在於令聽眾能寄托情緒的歌詞當中，「好多人都鍾意聽歌詞，無論係喺卡啦OK唱談情說愛嘅歌，定係處於低谷、唔開心時聽可以慰藉心靈嘅歌，其實都係歌詞嘅魔力。廣東歌嘅力量就喺歌詞入面，而歌詞就係用我哋嘅母語——廣東話唱出嚟先最容易打動到香港人。」
尋找出口努力活着
用貼地語言說最貼地的事，可能便是打動人的關鍵，「RubberBand 有首歌叫《我是樂隊》，周耀輝老師寫嘅一句歌詞——『這就是存在的滋味』，首歌寫咗好多關於存在嘅事」6號說。在這個時代，許多時我們會感到憂愁、迷失，覺得自己無力去改變現況，除了音樂，他認為運動也有助紓解這些情緒：「起碼通過做運動，例如30秒不停push up去證明自己仲係有能力。」
療癒傷痛，找回存在的意義，對有些人來說音樂是一個出口，或許運動亦是另一個大家需要的出口。
//用心唱出來 誰都是歌手
夠膽寫下來 誰沒有好歌曲
拼命站起來 誰都有舞台
成和敗 沒有所謂
記住為快樂流下的眼淚
這就是存在的滋味//
《我是樂隊》RubberBand
