寶雲道上的倫敦馬拉松

「 以前你同人講，喺寶雲道跑咗個全程馬拉松，實會俾人話 ：『你都痴L線嘅 ! 』 ，但係2020年的10月4日，喺寶雲道真係發生咗！」

2020年2月至今，所有海外本土的大小跑步賽事，因全球疫情關係，均告取消或延期，年初時大家都抱着希望，疫情應該會好快過去，下半年應該可以恢復正常，誰不知已過了大半年，疫情完全沒有減退的跡象，恢復賽事像似遙遙無期。

當初市場上推出一些Virtual Run 線上跑的活動時，跑友們興趣不大，心想跑馬拉松梗係跑個真賽事啦，距離42.195km 咁長，跑虛擬很不值，誰不知等吓一個月，等吓又一個月，覺得唔多對路，當倫敦馬拉松推出Virtual Run 時，跑友們實在餓賽太耐了，參加人數非常踴躍。據大會宣稱，除了英國本土之外，香港跟美國和澳洲，是海外參加人數最多的地方。

雖然是虛擬馬拉松賽事，但係跑友們難得有嘢搞，均非常的雀躍，沒有參加的也挺身而出，協助策劃比賽路線、組織補給站，跑界忽然熱鬧起來。10月4日的星期天，在港九新界，也在舉行倫敦馬拉松。

寶雲道是其中一處舉行地點，舉辦日晨早六時許，跑友們已紛紛到達，設立行李儲存區和補給站，補給豐富，有水果，朱古力，能量飲品，仲有豆腐花，有點像開派對，雖然是虛擬馬拉松，但參加者態度認真，大都像正式比賽般，扣上號碼布，天氣有點熱，可能是非正式比賽，跑時無壓力，心情輕鬆，大家都樂在其中，十分開心，更有攝影大師，於沿途記錄下這段美好時刻，比賽限時寬鬆，參加者大可在補給站，停下來小息，食過痛快才繼續賽程，亦時間充裕，這場實是一個 Running Party。

在這個沒有正式比賽的低氣壓下，香港跑步界已自行形成一種新常態，靈活變通一向是我們香港人的強項，Virtual Run 開始受落和銳變中！