陳鎮榮 – 實踐年華

By nicolekwok, 18 一月, 2023

陳鎮榮 – 實踐年華

現正就讀大學的陳鎮榮(榮仔)是年紀最細的隊員，但跑齡亦不淺，由中一開始跑，對成為跑手的想法也很實際：「好多同我一樣嘅學生運動員，喺中學時就已經因為種種原因放棄咗，可能係要考DSE，或者可能佢哋接受訓練量太多，已經麻木同迷失咗，唔知自己訓練嚟做咩。」言下之意，他很清楚自己是為了什麼而跑、有何訓練目標？「中學時想搵個自己嘅專長去練，就試下入田徑隊了。」說得隨性，但現在的他卻不止視跑步為專長，更已懂得為自己定下短期、中期和長期目標。跑步於他更像是個悠長的人生課題。

IG: ccwvk

1:10:30（2022年臺台馬拉松）

00:33:08（2021 渣打香港馬拉松10公里青年組別亞軍）

自發與自律

榮仔跑步一直是自己主動去參與，既沒有父母逼迫，亦算不上是有同儕壓力，因此很習慣自發為自己安排訓練日程，甚至會思考結合不同訓練作cross-training：「通常我一個禮拜會跑六至七日，如果攰嘅星期日可能會休息。基本上每日都會慢跑，可能有啲人會覺得慢跑唔係咁緊要，但對我哋長跑選手來講我哋嘅七成時間可能都係慢跑，兩成係高強度訓練，一成係一啲無氧嘅運動。高強度訓練就會做兩日嘅，星期一、四或者二、五，中間需要隔一隔，需要多啲時間休息；做gym都係一個禮拜兩日，可能係朝早跟課表練，晏晝練Strength & Conditioning；游水就好隨心，可能有時唔想跑步就去游水，但唔會刻意加多一課，因為都係一個消耗運動，都會好攰。」

說到訓練，榮仔侃侃而談，可想而知他不止喜歡跑步，更對鑽研跑步訓練頗有心得，7:2:1的訓練比例亦是他綜合其他跑手的分享所知：「跑界一般都有哩個共識啊，有好多市民跑手淨係鍾意慢跑嘅時候，佢哋諗點樣去提升速度，單靠慢跑一定冇用，所以某程度上會去練返少少高強度訓練， 7:3嘅方法一早已經係文獻度有記載，佢哋睇返唔同精英運動員嘅比例都係7:3⋯⋯我係幾鍾意睇關於跑步嘅文章，理論、知識同埋實踐，三樣嘢係連埋一齊！因為我真係鍾意跑步，會諗點樣用唔同嘅知識support自己，先至會令自己跑更加快。科學化訓練真係唔係亂練，要睇過唔同嘅文獻數據先至可以有個更加好嘅Improvement 。」

自顧求師路

參與團體運動的人大抵都喜歡伴隨而來的團隊壓力，視之為動力，既然榮仔如此自動自覺，跑團對他的意義何在？「我想有系統咁訓練自己，以前有跟其他跑會，其中一個就係黃啟樂嘅跑會，知道佢哋嘅跑團理念之後，我覺得有恆常嘅系統訓練，又有Strength & Conditioning嘅Support，可以有機會做到全面同科學化嘅訓練！」果然是狂熱練跑的人才會這樣想。他認為S & C令他力量和技巧方面都有改善，尤其跑步看似是一個不斷重複動作的漫長運動，與撞擊類運動如籃球足球相比，相對溫和，但從S & C訓練過程的拆解分析中，他明白跑步其實都需要「爆發力」，因為每一步都是爆發、放鬆的重複，當中的協調動作可以再加以雕琢力臻完美，令他對跑團的新訓練模式更躍躍欲試。

幾個月前他還很興奮想實踐訓練成果，卻因為過度訓練而影響狀態：「一開始練嘅時候氣氛好好，大家都好跑得，但嗰陣時我太心急，有啲跑太快，可能教練俾我嘅target係三分十五秒，我就跑三分正，以為自己冇問題可以頂得順，但幾日之後就會覺得自己over train，太疲累跑都跑唔起，因為咁令我低沉咗一、兩個月。」當時還未有比賽可以讓他驗收訓練成果，直至十二月底的臺北馬拉松，他的首個半馬賽事以1:10:30完成，他心目中的訓練藍圖終於可以實踐：「接下來可能我的中期目標是十公里三十分內，或者可能去跑世界大學生運動會、亞運會！」榮仔對自己跑步的原因和目標，一直都很清晰。