黃啟樂 - 命定跑途

黃啟樂 - 命定跑途

跑步的人也許對計算跑速、距離會顯得執著,但對跑道上的風景卻相對處之泰然:烈日下是這樣跑,風雨下也是這樣跑。踏上跑道,就像正面迎上一場人生命途,盡力跑好每一秒。黃啟樂在2021年成為最新全馬一哥,他的時間顯然不是香港紀錄跑得最快的跑手,突如其來的「一哥」名譽令他更深刻思考自己的目標:「由運動員角度,我見到國外好多人都係一Team咁樣去training,我就諗點解香港要咁單獨咁練?或者點解唔可以集合多啲有潛力嘅跑手一齊跑?我都想有個畀自己或者比其他人嘅推動力去一齊進步。我想以一個團隊咁不斷一齊創高峰。」

有些跑手可能注定是全身心投入訓練的突破者,而啟樂則更似一位推動突破的人——今年他以團隊推進者的角色,準備迎接他的命定跑途。

黃啟樂 - 命定跑途

IG: kailokwong
全馬PB:2:31:10 (2021年香港渣打馬拉松)
半馬PB:1:07:41 (2022年臺北馬拉松半馬總排名第三)

跑會與跑團的掙扎

由成立跑會Trailblazer,到成立TeamSOLO這個跑團,啟樂嘗試思考團隊對自己的影響力,也源於他的一些觀察:「我以前都係自己練,大約有九成時間都係自己一個人跑。到加入跑會,我明白氣氛係好重要嘅一件事——可能平時我哋落去運動場練習,即使休息夠都未必推動到自己,但因為跑會的氣氛會令鬥志真係勁好多,參加跑會都係一個互相嘅約束,大家約好咗一個地點,定死咗一個時間表要喺哩度做哩樣嘢。」

TeamSOLO由2021年開始,至今有五位核心成員,包括香港馬拉松紀錄的前列跑手魏賡、尹焯熙,也有資歷雖淺卻表現不俗的青年跑手鄭澤瑭、陳鎮榮,可以說他們都是實力相當的跑手,目的是透過團隊的牽絆,進一步互相推動進步,「一起訓練可以互相提點見到嘅弱點,因為自己跑步嗰陣未必睇到自己弱點;另外我們都會輪流做電兔,例如可能今日我比較攰,精神狀態無咁好,狀態好啲嘅隊友就喺前面帶住我哋一齊跑。我們互相扶持,喺個訓練課表時便無咁辛苦無咁難。」

獨樂樂不如眾樂樂?

跑步是可以一個人獨自享受(或捱苦)的運動,但長跑畢竟是很需要意志力才能堅持的運動,啟樂認為團隊可能在心理狀態上的幫助會較大。「我覺得即使是一個團體去跑,都係要自己去做好表現,旁人係隔離嗌加油,跑嘅始終都係你自己。但喺香港跑步練習始終會有與其他人一起嘅時間,例如我練跑十個四百米,跑緊嗰陣當然講唔到嘢,但休息時間都會有人同我講一句加油啊、就到終點啦、頂住呀⋯⋯跑嘅時候就好個人,但休息或者訓練之前講下我哋點樣跑、點樣推動大家,哩個就係一個好團隊嘅事。我覺得個人同團隊不斷交替,會令到訓練全面啲。」

而說到這種必然會有其他人的狀況,亦頗有香港特色——土地問題,香港長跑運動員也是大多只能去公眾運動場練習,此外亦需要兼任跑步班教練維生才能抽出更多時間訓練。啟樂亦是如此與共用運動場的跑者、跑會學生多了交流,藉以思考自己的訓練路向:「有啲運動員未必有機會獲得香港隊教練指導,而像我這樣會返兼職、教班的跑手也不少,好多人都會進入這種無教練或者自我教練嘅狀況,但我覺得咁係限制嚟嘅,因為永遠睇唔到自己嘅盲點。」他希望集合一班和他處境相近的跑手,嘗試解決這個困局;而既然他們一直都是自己做自己教練,那他們需要的教練就只能「外求」了:「我認為我哋個Target要再高啲嘅時候,就要嘗試吓國外嘅訓練方式,因為香港本地嘅訓練方式我哋都體驗過啦,所以會想有啲新鮮感去刺激自己。」

團隊的牽絆

既然成團,啟樂認為大家必然是有共同理念和目標,這與跑會一起跑步和訓練的狀況略有不同:「淨係一齊跑的話團隊意識太薄弱,而且我哋各成員嘅短期賽事目標都不同,有時都好難勉強要夾時間一齊跑,咁點樣為之團隊?我覺得係一種commitment和互相支持嘅力量,畢竟跑手之間名次唔係最重要,最重要係突破我哋自己嘅時間,跑到230就係230,每一分鐘都好代表到自己。旁人唔會問我邊個賽事拎冠軍,只會問我PB跑幾多,所以即使我跑到一個馬拉松冠軍但係我跑得好慢嘅時候,我都唔會好自豪。我哋嘅共識就係要推進自己嘅界限,除咗一齊easy run互相分享下訓練嘅壓力,最重要係一齊體驗一啲新嘅訓練方式。」

訓練是否奏效,當然要參加比賽來驗收。2022年他接連參加了在澳洲黃金海岸的兩場半馬賽事,PB由1:08:35到1:0823,然後年尾跑臺北半馬時又再將PB時間推進至1:07:41,時間上的進步也許令人信服,但中間當然也有不少掙扎:「我哋同教練Rory都係練咗唔夠一年,雖然佢係加拿大代表又曾跑入世錦賽前十嘅世界級選手,但佢嘅訓練方法未必適合我哋全部人,所以係要不斷溝通同微調,要磨合,尤其我哋喺香港練習,氣候環境都同加拿大好唔同,平時就要靠收集訓練數據畀教練了解我哋多啲。」啟樂的短期目標是三月舉行的東京馬拉松,因此接下來二月的香港渣馬他會繼續跑半馬,當作東馬前的長課訓練,這亦是他的最後驗收機會:「我自己係落到場要有100%嘅信心我先會落去比賽㗎,都唔想俾自己跑得太密,消耗咗我對比賽嘅渴望嘅感覺。」而東馬的目標他為自己定了2:20這個時間,到時或可再次印證團隊訓練與外國訓練模式對他的助益。

Text: Lung、Nicole
Photo: Conrad、Lucien、受訪者提供
Design:Yvonne

原文刊於《運動版圖》2023年2月號《跑步特刊 》