鄭澤瑭 – 堅定信念

By nicolekwok, 18 一月, 2023

鄭澤瑭 – 堅定信念

如果一年前問鄭澤瑭(Tom)他跑步訓練的目標是什麼，可能他會答「跑多點、累積多點里數」；而加入TeamSOLO若十個月後，他對訓練的看法更深入：「我以前唔做Gym嘅，後來試咗做Strength & Conditioning，發現跑步訓練其實好多元化，而且有隊友一齊練亦都令我覺得可以互補不足。」他對跑步的信念自此改觀，不再認為是單打獨鬥。

IG: tom_cheng0212

半馬PB：1:10:16 (2022年臺台馬拉松)

漸趨成熟的方向

Tom由十三、四歲開始一直專注在跑步的路途，大學亦加入長跑隊出戰大專賽事，成績不俗，但亦可能實戰經驗豐富，雖然他年紀輕輕，說話卻帶點老成，有條不紊像在課堂匯報：「我覺得這一年來嘅訓練更有目標、更有系統，尤其係針對我哋每個人嘅能力、目標需要去調整課表，有度身訂造嘅感覺，對乳酸系統、帶氧系統嘅訓練效果好突出⋯⋯」，說到這裡，也許醉心訓練的跑友會很好奇怎樣訓練可以改善到乳酸系統和帶氧系統，他卻話鋒一轉，說：「我哋嘅訓練係好辛苦，但可以針對各人嘅弱點去改善，而且每個人都有佢擅長嘅嘢，大家可以互補不足！」

他指以往訓練總像漫無目標地追里數和時間，不斷跑跑跑，卻不知道自己需要怎樣的訓練，覺得疲累便休息，也不知道何謂「over train 」訓練過量；只懂跟著一些跑得快的人去跑，再因應自己能力，以他們的時間減五至十秒去當作自己的目標完成時間，可說是沒有訓練方向：「可能大家都係睇自己有無天賦，天份好嘅就自己會追到。」現時他覺得自己的訓練方向清晰得多，訓練課表也比較有系統和穩定，「有教練監察我嘅訓練，會話俾我知over train咗要休息啦，又會根據我嘅目標同需要去調整我嘅訓練課表，我覺得真係幫到我。」

遙距訓練迷思

他們一起邀請了加拿大國手Rory Linkletter擔任遙距教練，雖然他不能直接來港指導，但透過網絡仍然可以有很多交流，亦令Tom留意更多訓練細節：「我哋都有同佢討論香港氣候對訓練嘅影響，因為同加拿大相比香港真係潮濕多雨，夏天濕熱嘅環境好影響訓練質素，未必跑到預期中咁快，佢就建議我哋每一公里跑嘅時間減五至十秒。」而佢遙距監察訓練進度嘅方式，就好依靠Tom同其他人每次訓練收集嘅數據：「我哋每次練完都會Upload數據畀佢睇，等教練知道我哋用咗幾多成力，佢就會有一個target時間畀我哋去做time trial。」

五個人的訓練課表因應其能力和目標作微調，團練時一起衝圈又可以互相帶步速，Tom覺得既有團隊的優點，又有為各人度身訂造訓練計劃的好處，「每個人帶嘅步速都唔同，有時會開快啲嘅步速，後面嘅人就會追得比較辛苦；另外大家嘅訓練週期都唔同，會視乎狀態去調整。例如榮仔今日比較攰喎，咁我咪帶多啲囉，我哋唔會計較哩啲，只係慢慢培養到默契——我哋嘅諗法好簡單，就係盡力去完成啲訓練計劃！」這一年來，他們亦不斷和教練保持溝通和調整：「以前我一個人跑無諗過可以咁練。」